കണ്ണൂർ : എൽഡിഎഫ് സ്ഥാനാര്ത്ഥിക്കായി ചട്ട ലംഘനം നടത്തിയെന്ന പരാതിയിൽ കണ്ണൂർ ജില്ലാ ഇൻഫർമേഷൻ ഓഫിസറെ സസ്പെൻഡ് ചെയ്തു. ജില്ലാ കളക്ടര് നൽകിയ റിപ്പോര്ട്ടിന്റെ അടിസ്ഥാനത്തിലാണ് കേന്ദ്ര തെരഞ്ഞെടുപ്പ് കമ്മീഷന്റെ നടപടി.
തനിക്കെതിരെ യുഡിഎഫ് പ്രവർത്തകർ സമൂഹമാധ്യമങ്ങളിലൂടെ വ്യാജപ്രചാരണവും വ്യക്തിഹത്യയും നടത്തുന്നതായി അഴീക്കോട് മണ്ഡലത്തിലെ എൽഡിഎഫ് സ്ഥാനാർഥി കെ.വി.സുമേഷ് ജില്ലാ കലക്ടർക്കു പരാതി നൽകിയിരുന്നു.പരാതി പിആർഡി വാർത്താക്കുറിപ്പായി ഇറക്കി. ഇത് ഗുരുതര ചട്ടലംഘനമാണെന്ന് കണ്ണൂർ ഡിസിസി ഇന്നലെ ആരോപിച്ചിരുന്നു.
