Wednesday, November 18, 2026
No menu items!

subscribe-youtube-channel

HomeNewsപിഎസ് സി...

പിഎസ് സി പരീക്ഷാ ക്രമക്കേട് :  ചെയര്‍മാൻ ബുധനാഴ്ച ഹാജരാകാന്‍ നോട്ടീസ്

തിരുവനന്തപുരം : പിഎസ് സി പരീക്ഷാ ക്രമക്കേടിൽ  ചെയര്‍മാന്‍ ഡോ. എംആര്‍ ബൈജുവിനോട് ബുധനാഴ്ച ഹാജരാകാന്‍ ക്രൈംബ്രാഞ്ച് നോട്ടീസ് നൽകി. ക്രൈംബ്രാഞ്ച് ആസ്ഥാനത്ത് ഹാജരാകണമെന്ന് ആവശ്യപ്പെട്ടാണ് നോട്ടീസ് അയച്ചത്. നേരത്തെ ക്രൈംബ്രാഞ്ചിന് മുന്നില്‍ ഹാജരാകാന്‍ കഴിയില്ലെന്ന് പിഎസ് സി അറിയിച്ചിരുന്നു. ചോദ്യം ചെയ്യലിനെതിരെ പിഎസ് സി ഹൈക്കോടതിയില്‍ ഹര്‍ജി നല്‍കുകയും ചെയ്തിരുന്നു. എന്നാല്‍ പിഎസ് സിയുടെ ആവശ്യം കോടതി അംഗീകരിച്ചിരുന്നില്ല.

പിഎസ് സി ചെയര്‍മാനെയും അംഗങ്ങളെയും പുറത്താക്കണമെന്ന മുന്‍ ഗവര്‍ണര്‍ രാജേന്ദ്ര ആര്‍ലേക്കറുടെ ശുപാര്‍ശയില്‍ ഉടനടി നടപടികളൊന്നും വേണ്ടെന്ന് പിഎസ് സി യോഗം തീരുമാനിച്ചു. ഇക്കാര്യത്തില്‍ രാഷ്ട്രപതി സ്വീകരിക്കുന്ന നിലപാട് അറിഞ്ഞതിന് ശേഷം മാത്രം ചര്‍ച്ച മതിയെന്നുമാണ് കമ്മിഷന്റെ തീരുമാനം. ഗവര്‍ണര്‍ രാഷ്ട്രപതിക്ക് നല്‍കിയ ശുപാര്‍ശയുടെ വിശദാംശങ്ങളോ രേഖകളോ പിഎസ് സിക്ക് ലഭിച്ചിട്ടില്ല. ഈ സാഹചര്യത്തില്‍ ഒരു തീരുമാനം എടുക്കുന്നത് ഉചിതമല്ലെന്നാണ് കമ്മിഷന്റെ വിലയിരുത്തല്‍.

എന്നാൽ പിഎസ് സിക്കെതിരെ നിരവധി പരാതികളാണ് ലഭിച്ചിട്ടുള്ളതെന്ന് മുഖ്യമന്ത്രി വിഡി സതീശന്‍ നിയമസഭയെ അറിയിച്ചു. ഡിജിപിക്ക് മാത്രം 180 പരാതികള്‍ ലഭിച്ചു. ക്രമക്കേടുകളില്‍ വിശദമായ അന്വേഷണം നടന്നുവരികയാണെന്നും മുഖ്യമന്ത്രി നിയമസഭയില്‍ രേഖാമൂലം നല്‍കിയ മറുപടിയില്‍ പറഞ്ഞു.

പിഎസ് സി അംഗങ്ങളുടെ നിയമന രീതിയില്‍ മാറ്റം വരുത്തുന്നത് പരിഗണനയിലില്ല. അംഗങ്ങളുടെ എണ്ണം വെട്ടിച്ചുരുക്കുന്നതോ ശമ്പളവും ആനുകൂല്യങ്ങളും കുറക്കുന്നതോ നിലവില്‍ സര്‍ക്കാരിന്റെ ആലോചനയിലില്ലെന്ന് മുഖ്യമന്ത്രി അറിയിച്ചു.

അതേ സമയം പരീക്ഷാ തട്ടിപ്പില്‍ രണ്ട് പിഎസ് സി അംഗങ്ങള്‍ അന്വേഷണ സംഘത്തിന് മുന്നില്‍ ഹാജരായി. ഡോ. എസ് ശ്രീകുമാർ, എസ് എ സെയിഫ് എന്നിവരാണ് ക്രൈംബ്രാഞ്ചിന് മുന്നില്‍ ഹാജരായത്. എസ്‌ഐടി തലവന്‍ അജിതാ ബീഗത്തിന്റെ നേതൃത്വത്തിലാണ് ചോദ്യം ചെയ്യല്‍. ക്രമക്കേടുമായി ബന്ധപ്പെട്ട് വിശദമായ ചോദ്യം ചെയ്യലുണ്ടാകും. നാളെയും രണ്ട് പിഎസ് സി അംഗങ്ങളോട് ഹാജരാകാന്‍ നിര്‍ദേശിച്ചിട്ടുണ്ട്. 

- Advertisment -

RELATED ARTICLES
Advertisment

Desham News

- Advertisement -

Kerala Lotteries Results : 21-07-2026 Sthree Sakthi SS-529

1st Prize Rs.1,00,00,000/- SZ 204699 (KANNUR) Consolation Prize Rs.5,000/- SN 204699 SO 204699 SP 204699 SR 204699 SS 204699 ST 204699 SU 204699 SV 204699 SW 204699 SX 204699 SY 204699 2nd Prize Rs.30,00,000/- SP 516620 (VAIKKOM) 3rd...

വേനലവധി ആഘോഷിക്കാന്‍ കെഎസ്ആര്‍ടിസി ബജറ്റ് ടൂറിസം സെല്‍ ടൂര്‍ ഡയറിയൊരുക്കി

തിരുവനന്തപുരം : വേനലവധി ആഘോഷിക്കാന്‍  കെഎസ്ആര്‍ടിസി ബജറ്റ് ടൂറിസം സെല്‍ ടൂര്‍ ഡയറിയൊരുക്കി. വാഗമണ്‍, കുമരകം, മലയാറ്റൂര്‍ എന്നിവിടങ്ങളിലേക്കും ഏപ്രിലിലെ ടൂര്‍ ഡയറിയില്‍ യാത്രകളുണ്ട്. പാലക്കാട് ഡിപ്പോയില്‍ നിന്നു മാത്രമാണ് ഏപ്രിലില്‍ വാഗമണ്ണിലേക്ക് യാത്രയുള്ളത്....
- Advertisment -

Most Popular

- Advertisement -