വൈക്കം : മുത്തേടത്തുകാവ് പയറുകാട് ശ്രീകൃഷ്ണ ക്ഷേത്രത്തിൽ ശ്രീകൃഷ്ണ ജയന്തിയോടനുബന്ധിച്ച് നടത്തിയ രാധ കല്ല്യാണം ഭക്തിനിർഭരമായി. ഹൈദരാബാദ് ഗൂഡല്ലൂർ ബാലശങ്കര ശാസ്ത്രികളുടെ മുഖ്യ കാർമ്മികത്വത്തിലാണ് രാധാ കല്യാണ ചടങ്ങുകൾ നടന്നത്.
രാധാ കല്യാണദർശനസായുജ്യം നേടാൻ നൂറ് കണക്കിന് ഭക്തജനങ്ങളുമെത്തിയിരുന്നു. ക്ഷേത്രം തന്ത്രി മോനാട്ടില്ലത്ത് കൃഷ്ണൻ നമ്പൂതിരി, മുഖ്യ കാര്യദർശി ആനത്താനത്ത് ഇല്ലത്ത് എ.ജി.വാസുദേവൻനമ്പൂതിരി, മേൽശാന്തി ഗോവിന്ദൻ നമ്പൂതിരി, ആനത്താനത്ത് ബാലചന്ദ്രൻ നമ്പൂതിരി, മാനേജർ സാഗർകുമാർ എന്നിവർ ചടങ്ങുകൾക്ക് നേതൃത്വം നൽകി.
