പത്തനംതിട്ട : ഹിന്ദു സമൂഹത്തെ ഒന്നാകെ അവഹേളിച്ച് ലോകസഭയിൽ രാഹുൽ ഗാന്ധി നടത്തിയ പ്രസംഗം നാടിന് അപമാനകരവും ഭരണഘടന ലംഘനവും ആണെന്ന് ബിജെപി ദേശീയ നിർവാഹസമിതി അംഗം കുമ്മനം രാജശേഖരൻ പ്രസ്താവിച്ചു.പത്തനംതിട്ടയിൽ ബിജെപി ജില്ലാ നേതൃയോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഹിന്ദു സ്വാഭിമാനം അപകടകരമാണെന്ന രാഹുൽഗാന്ധിയുടെ നിലപാട് രാഷ്ട്രത്തിന്റെ വിശാല താത്പര്യങ്ങൾക്ക് വിരുദ്ധമാണ്.ഹിന്ദുക്കളെ തിരഞ്ഞു പിടിച്ച് അവഹേളിക്കുകയും കരിതേച്ചു കാണിക്കുകയും ചെയ്യുന്ന കോൺഗ്രസ് നേതാവിന്റെ നടപടിക്കെതിരെ എല്ലാ വിഭാഗം ജനങ്ങളും രംഗത്തുവരണമെന്ന് കുമ്മനം രാജശേഖരൻ ആവശ്യപ്പെട്ടു.ബിജെപി പത്തനംതിട്ട ജില്ലാ പ്രസിഡന്റ് അഡ്വക്കേറ്റ് വി എ സൂരജ് അധ്യക്ഷത വഹിച്ചു.
