തിരുവനന്തപുരം : ന്യൂനമര്ദ്ദ പാത്തിയുടെ സ്വാധീനഫലമായി സംസ്ഥാനത്ത് അടുത്ത നാലുദിവസം കൂടി നേരിയ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. എവിടെയും ശക്തമായ മഴയ്ക്കുള്ള സാധ്യത ഇല്ലാത്തതിനാല് ഒരു ജില്ലയിലും കേന്ദ്ര കാലാവസ്ഥ വകുപ്പിന്റെ അലര്ട്ട് പ്രഖ്യാപിച്ചിട്ടില്ല.
ബംഗാള് ഉള്ക്കടലില് രൂപപ്പെട്ട ന്യുനമര്ദ്ദം ശക്തി കൂടി നിലകൊള്ളുകയാണ്. അറബിക്കടലില് തെക്കന് ഗുജറാത്ത് തീരം മുതല് വടക്കന് കേരള തീരം വരെയാണ് ന്യുനമര്ദ്ദ പാത്തി നിലനില്ക്കുന്നത്. ഇതിന്റെ സ്വാധീനഫലമായാണ് വരുംദിവസങ്ങളിലും മഴ ലഭിക്കുക എന്നും കാലാവസ്ഥ വകുപ്പ് അറിയിച്ചു.
കര്ണാടക തീരത്ത് ഇന്നും (20), ലക്ഷദ്വീപ് പ്രദേശത്ത് 21, 22 തീയതികളിൽ മത്സ്യബന്ധനത്തിന് പോകാന് പാടില്ലെന്നും അധികൃതർ വ്യക്തമാക്കി.
