കൊല്ലം : കടയ്ക്കൽ ദേവി ക്ഷേത്രത്തിലെ ഗാനമേളയിൽ വിപ്ലവ ഗാനങ്ങൾ പാടിയതിനെതിരെ രൂക്ഷവിമർശനവുമായി ഹൈക്കോടതി.ക്ഷേത്രത്തിൽ നടന്നത് അംഗീകരിക്കാൻ കഴിയാത്തതാണെന്ന് കോടതി പറഞ്ഞു. ക്ഷേത്രോത്സവങ്ങൾ ഭക്തിയുടെ കൂട്ടായ്മയാണ് .ക്ഷേത്രവുമായി ബന്ധപ്പെട്ട പരിപാടികൾക്ക് ക്ഷേത്ര ചടങ്ങുകളും അതോടൊപ്പം ക്ഷേത്രത്തിൽ നടത്താൻ കഴിയുന്ന മറ്റു പരിപാടികളും മാത്രമേ നടക്കാൻ പാടുള്ളൂ .
മാർച്ച് 10-നാണ് കൊല്ലം കടയ്ക്കൽ ക്ഷേത്രത്തിൽ ഗായകൻ അലോഷിയുടെ വിപ്ലവഗാനമേള അരങ്ങേറിയത്. ആരാണ് ഈ പരിപാടി സംഘടിപ്പിച്ചതെന്നും ആരാണ് പരിപാടിക്ക് പണം മുടക്കിയത് എന്നും കോടതി ചോദിച്ചു. പരിപാടി സംഘടിപ്പിച്ചത് ക്ഷേത്ര ഉപദേശക സമിതിയെന്നാണ് ദേവസ്വം ബോർഡ് മറുപടി നൽകിയത് .
ക്ഷേത്രത്തിലെ ലൈറ്റ്- സ്റ്റേജ് അലങ്കാരങ്ങളെയും കോടതി വിമർശിച്ചു.പണം കൂടുതൽ ഉണ്ടെങ്കിൽ അത് ക്ഷേത്രത്തിൽ വരുന്നവർക്ക് അന്നദാനത്തിനായി ഉപയോഗിക്കണമെന്നും കോടതി അഭിപ്രായപ്പെട്ടു. ദേവസ്വം സെക്രട്ടറിയെ കൂടി കേസിൽ കോടതി കക്ഷി ചേർത്തു.ഒരാഴ്‌ച്ചയ്‌ക്ക് ശേഷം കേസ് വീണ്ടും പരിഗണിക്കും.
