അടൂർ : ചതുപ്പിൽ താഴ്ന്ന പശുക്കിടാവിനെ രക്ഷിച്ച് ഫയർഫോഴ്സ്. നെല്ലിമുകൾ സ്വദേശിയും ക്ഷീര കർഷകനായ യോഹന്നാൻ്റെ ഉടമസ്ഥതയിലുള്ള പശുക്കിടാവാണ് ഇന്ന് ചതുപ്പിൽ അകപ്പെട്ട്. പശുവിനെ രക്ഷിക്കാനുള്ള യോഹന്നാൻ്റെയും കുടുംബത്തിൻ്റെയും ശ്രമങ്ങൾ പരാജയപ്പെട്ടതോടെ സ്ഥലത്തെത്തിയ വാർഡ് കൗൺസിലർ റോണി ഫയർഫോഴ്സിനെ വിവരമറിയിക്കുകയായിരുന്നു.
ഉടൻ തന്നെ അടൂരിൽ നിന്ന് സ്റ്റേഷൻ ഓഫീസർ വിനോദ് കുമാറിൻ്റെ നേതൃത്വത്തിൽ ഫയർ ഫോഴ്സ് സംഘം സ്ഥലത്തെത്തി. തുടർന്ന് പശുക്കിടാവിനെ പരുക്കില്ലാതെ പുറത്തെടുത്തതോടെ നിസ്സഹായരായി നിന്ന കർഷകൻ യോഹന്നാനും കുടുംബത്തിനും ആശ്വാസമായി.
സീനിയർ ഓഫീസർ മഹേഷ്, ഫയർ ആൻഡ് റസ്ക്യൂ ഓഫീസർമാരായ വി. പ്രദീപ്, ഡി. ദീപേഷ്, ശ്രീജിത്ത് എസ് , സൂരജ്, ആർ. രവി എന്നിവരും ഹോം ഗാർഡ് പി . കെ . സുരേഷും രക്ഷാ പ്രവർത്തനത്തിൽ പങ്കെടുത്തു.
