കണ്ണൂർ : എഡിഎം നവീന് ബാബുവിന്റെ ആത്മഹത്യയില് മുൻ കണ്ണൂർ ജില്ലാ പഞ്ചായത്ത് പ്രസിഡന്റ് പിപി ദിവ്യയുടെ മുന്കൂര് ജാമ്യഹര്ജി മാറ്റിവെച്ചു. ജാമ്യാപേക്ഷ തലശ്ശേരി പ്രിൻസിപ്പൽ സെഷൻസ് കോടതി വ്യാഴാഴ്ച(24) പരിഗണിക്കും.ഹർജിയിൽ കക്ഷിചേരാൻ നവീൻ ബാബുവിന്റെ കുടുംബം അപേക്ഷ നൽകി.കേസ് വ്യാഴാഴ്ച പരിഗണിക്കുമ്പോള് പൊലീസ് റെക്കോര്ഡുകളും ഹാജരാക്കണമെന്ന് കോടതി നിര്ദേശിച്ചു.
അഴിമതിക്കെതിരെ സദുദ്ദേശപരമായി മാത്രമാണ് താൻ സംസാരിച്ചതെന്നും എ ഡി എമ്മിനെ ആത്മഹത്യയിലേക്ക് തള്ളിവിടാനായിരുന്നില്ലെന്നുമാണ് മുൻകൂർ ജാമ്യ ഹർജിയിൽ ദിവ്യ ചൂണ്ടികാട്ടിയിരിക്കുന്നത്.നവീന് ബാബുവിനെതിരേ ഗൂഢാലോചന നടന്നെന്ന് കുടുംബവും ആരോപിക്കുന്നു.
