മുംബൈയിൽ ഓടുന്ന ട്രെയിനിൽ നിന്ന് വീണ് 5 പേർ മരിച്ചു

മുംബൈ : താനെയിലെ മുംബ്ര റെയിൽവേ സ്റ്റേഷന് സമീപം ഓടുന്ന ട്രെയിനിൽ നിന്ന് വീണ് 5 പേർ മരിച്ചു. തിങ്കളാഴ്ച രാവിലെ 9 മണിയോടെയാണ് സംഭവം .12 ഓളം യാത്രക്കാരാണ് ഓടുന്ന ട്രെയിനിൽ നിന്ന് വീണത് .ഛത്രപതി ശിവാജി മഹാരാജ് ടെർമിനസിൽ നിന്ന് പുറപ്പെട്ട് കസാരയിലേക്ക് പോകുന്ന ലോക്കൽ ട്രെയിനിലാണ് അപകടം .ട്രെയിനിലെ അമിതമായ തിരക്കാണ് അപകടത്തിന് കാരണമെന്നാണ് സൂചന .സ്ഥലക്കുറവ് കാരണം യാത്രക്കാർ വാതിലിനരികിൽ നിന്നാണ് യാത്ര ചെയ്തത് .സംഭവത്തിൽ ‌റെയിൽവേ അന്വേഷണം ആരംഭിച്ചു.