തിരുവല്ല: ഓതറ പഴയകാവ് ശ്രീകൃഷ്ണസ്വാമി ക്ഷേത്രത്തിൽ 24-മത് ഭാഗവത സപ്താഹ യജ്ഞം 26 മുതൽ നവംബർ 1 വരെ നടക്കും. ചെങ്ങന്നൂർ ജയപ്രകാശാണ് യജ്ഞാചാര്യൻ. യജ്ഞത്തിന് മുന്നോടിയായി ഞായറാഴ്ച രാവിലെ എട്ടു മുതൽ ഓതറ നാരായണീയ സമിതിയുടെ നേതൃത്വത്തിൽ നമ്പൂർണ നാരായണീയ പാരായണ യജ്ഞം ആരംഭിച്ചു.
26-ന് തന്ത്രി കണ്ഠര് രാജീവര് യജ്ഞത്തിന് ഭദ്രദീപ പ്രതിഷ്ഠ നടത്തും. സമൂഹ പ്രാർത്ഥന, അന്നദാനം, പ്രഭാഷണം എന്നിവ ഉണ്ടാകും. 29-ന് വിദ്യാഗോപാല മന്ത്രാർച്ചന, 30-ന് സർവൈശ്വര്യ പൂജ, 1-ന് 12.30-ന് സമൂഹ സദൃ, 3.30-ന് അവ ഭൃഥസ്നാന ഘോഷയാത്ര തുടങ്ങിയവയോടു കൂടി യജ്ഞം സമാപിക്കും.
പ്രസിഡന്റ് സുരേഷ് ഓതറ, സെക്രട്ടറി ഇൻ ചാർജ് രാധാകൃഷ്ണൻ നായർ റ്റി, ഖജാൻജി ശശിധരൻ നായർ, വൈസ് പ്രസിഡന്റ് മുരളി വരാപ്പുഴ എന്നിവരുടെ നേതൃത്വത്തിലുള്ള കമ്മറ്റി പ്രവർത്തിക്കുന്നുണ്ട്.
