തിരുവല്ല : കുട്ടികളിലെ സർഗ്ഗവാസനകൾ വളർത്തിയെടുക്കുവാനും അവരുടെ ഉള്ളിലെ കഴിവുകൾ പ്രതിഫലിപ്പിക്കുവാനും ചിത്രരചന പോലെയുള്ള പരിപാടികൾക്കു കഴിയുമെന്ന് അഡ്വ. മാത്യു റ്റി.തോമസ് എം എൽ എ പ്രസ്താവിച്ചു. തിരുവല്ല പുഷ്പമേളയോടനുബന്ധിച്ച് ഹോർട്ടികൾച്ചർ ഡവലപ്മെന്റ് സൊസൈറ്റിയുടെ ആഭിമുഖ്യത്തിൽ കുറ്റപ്പുഴ മാർത്തോമ്മ റസിഡൻഷ്യൽ സ്കൂളിൽ നടത്തിയ ചിത്രരചനാ മത്സരം ഉത്ഘാടനം ചെയ്യുകയായിരുന്നു അദ്ദേഹം.
മത്സര കമ്മറ്റി ചെയർമാൻ ഇ സിമാത്യു അദ്ധ്യക്ഷത വഹിച്ചു. പ്രസിഡന്റ് ഇ എ ഏലിയാസ്, ജനറൽ സെക്രട്ടറി ജേക്കബ് തോമസ് തെക്കെപുരയ്ക്കൽ, ട്രഷറാർ പി എ ബോബൻ , സ്കൂൾ വൈസ് പ്രിൻസിപ്പൽ അനിത സുസൻ ജോൺ,പുഷ്പമേള ജനറൽ കൺവീനർമാരായ സാം ഈപ്പൻ, ടി.കെ. സജീവ്, കൺവീനർ റോജി കാട്ടാശ്ശേരി ,പബ്ളിസിറ്റി കൺവീനർ അഡ്വ.ബിനു വി.ഈപ്പൻ , കൺവീനർ മേരി തോമസ്, വൽസമ്മ ജോൺ ,സുജ ചാക്കോ , പ്രഭാ ഐപ്പ്, ഓമന ശാമുവേൽ, റ്റി ജയിംസ്, അജിതമ്പാൻ, കൊച്ചുമോൻ ചെമ്പിൽ എന്നിവർ പ്രസംഗിച്ചു
