തിരുവനന്തപുരം :അരുണാചൽപ്രദേശിലെ ഇറ്റാനഗറിൽ മൂന്ന് മലയാളികളെ മരിച്ച നിലയിൽ കണ്ടെത്തി.തിരുവനന്തപുരം വട്ടിയൂർക്കാവ് സ്വദേശി ആര്യ, കോട്ടയം മീനടം സ്വദേശികളായ ദമ്പതികൾ നവീൻ, ദേവി എന്നിവരെയാണ് ഹോട്ടൽ മുറിയിൽ മരിച്ച നിലയിൽ കണ്ടെത്തിയത്.ആത്മഹത്യയാണെന്നാണ് പ്രാഥമിക നിഗമനം
നാലാഞ്ചിറയിലെ സ്കൂൾ അദ്ധ്യാപികയായ ആര്യയെ കഴിഞ്ഞ 27-ാം തീയതി മുതൽ കാണാൻ ഇല്ലായിരുന്നുവെന്ന് പിതാവ് പോലീസിൽ പരാതി നൽകിയിരുന്നു. പൊലീസ് അന്വേഷണത്തിൽ ആര്യയുടെ സുഹൃത്തായ ദേവിയും ഭര്‍ത്താവ് നവീനും വിമാന മാര്‍ഗം ഗുവാഹത്തിയിലേക്ക് പോയതായി കണ്ടെത്തിയിരുന്നു.ഇന്ന് രാവിലെയാണ് മരണവിവരം ബന്ധുക്കൾ അറിഞ്ഞത് .
