ചെന്നൈ: ദക്ഷിണ റെയില്വേയുടെ പുതിയ ജനറല് മാനേജരായി യു. സുബ്ബറാവു ചുമതലയേറ്റു. ചെന്നൈയിലെ ഇന്റഗ്രല് കോച്ച് ഫാക്ടറിയുടെ ജനറല് മാനേജരായി സേവനമനുഷ്ഠിച്ചിരുന്നു. 1987 ബാച്ച് ഇന്ത്യന് റെയില്വേ സര്വീസ് ഓഫ് മെക്കാനിക്കല് എന്ജിനീയറിങ് ഉദ്യോഗസ്ഥനായ സുബ്ബറാവു, ദക്ഷിണപടിഞ്ഞാറന്, ദക്ഷിണ മധ്യ റെയില്വേകളില് ഉള്പ്പെടെ വിവിധ സുപ്രധാന പദവികള് വഹിച്ചിട്ടുണ്ട്.
സേലം ഡിവിഷന് ഡിവിഷണല് റെയില്വേ മാനേജര്, ഹുബ്ബള്ളിയിലെ അഡീ. ജനറല് മാനേജര്, പ്രിന്സിപ്പല് ചീഫ് മെക്കാനിക്കല് എന്ജിനീയര് എന്നീ നിലകളിലും പ്രവര്ത്തിച്ചിട്ടുണ്ട്. ജൂലൈ 31ന് വിരമിച്ച ആര്.എന്. സിംഗിന് പകരമാണ് പുതിയ നിയമനം
