അതിർത്തികളിലെ ബീറ്റിംഗ് ദ റിട്രീറ്റ് വീണ്ടും തുടങ്ങി

ന്യൂഡൽഹി : ഇന്ത്യ പാക് അതിർത്തികളിലെ ബീറ്റിംഗ് ദ റിട്രീറ്റ് വീണ്ടും തുടങ്ങി. ബുധനാഴ്ച മുതല്‍ ചടങ്ങില്‍ പൊതുജനങ്ങള്‍ക്ക് കാണികളായെത്താം. വാഗാ അട്ടാരി, ഹുസ്സൈനിവാല, സാദ്ഖി എന്നീ സംയുക്ത സൈനിക പോസ്റ്റുകളിലെ ബീറ്റിംഗ് ദ റിട്രീറ്റ് ചടങ്ങുകളാണ് പുനരാരംഭിക്കുന്നത് . പഹല്‍ഗാം ഭീകരാക്രമണത്തെ തുടര്‍ന്നാണ് ചടങ്ങുകളില്‍നിന്ന് ജനപങ്കാളിത്തം ഒഴിവാക്കിയത്. എന്നാൽ പതാക താഴ്ത്തുന്ന സമയത്ത് അതിര്‍ത്തികവാടം തുറക്കുകയില്ല.