മല്ലപ്പള്ളി: താലൂക്ക് എൻഎസ്എസ് കരയോഗ യൂണിയൻ്റെ ആഭിമുഖ്യത്തിൽ മന്നം സമാധി ദിനാചരണത്തോടനുബന്ധിച്ച് മന്നം സമാധിയിലേക്ക് പദയാത്ര നടത്തി. ചങ്ങനാശ്ശേരി ഉദയഗിരി ആശുപത്രി ജംഗ്ഷനിൽ നിന്നും പദയാത്ര ആരംഭിച്ചു.
യൂണിയൻ പ്രസിഡണ്ട് എംപി ശശിധരൻ പിള്ള, വൈസ് പ്രസിഡണ്ട് അഡ്വ. പ്രകാശ് ചരളേൽ, യൂണിയൻ സെക്രട്ടറി കെ.ജി ഹരീഷ്, എൻ.എസ്.എസ്. പ്രതിനിധി സഭാംഗം സുദർശനകുമാർ, കമ്മറ്റി അംഗങ്ങളായ സതീഷ് കുമാർ, കരുണാകരൻ നായർ, പി കെ ശിവൻകുട്ടി, പ്രശാന്ത് കുമാർ, സി. അനിൽ കുമാർ, രവീന്ദ്രൻ നായർ, ശശിധരൻ നായർ, പ്രസാദ് കുമാർ കുറുപ്പ്, പ്രകാശ് കുമാർ, ജി അനിൽകുമാർ എന്നിവരും വനിതാ യൂണിയൻ ഭാരവാഹികളും പങ്കെടുത്തു.
