Monday, November 16, 2026
No menu items!

subscribe-youtube-channel

HomeNew Delhiഅടൂര്‍ പ്രകാശ്...

അടൂര്‍ പ്രകാശ് പറഞ്ഞത് വ്യക്തിപരമായ അഭിപ്രായങ്ങള്‍ : ദീപ ദാസ് മുന്‍ഷി

ന്യൂഡല്‍ഹി: അടൂര്‍ പ്രകാശ് പറഞ്ഞത് വ്യക്തിപരമായ അഭിപ്രായങ്ങളാണെന്നും, മുഖ്യമന്ത്രി വിഡി സതീശനെതിരെ രേഖാമൂലം പരാതി നല്‍കിയിട്ടില്ലെന്നും കേരളത്തിന്റെ ചുമതലയുള്ള എഐസിസി ജനറല്‍ സെക്രട്ടറി ദീപ ദാസ് മുന്‍ഷി. പാര്‍ട്ടി ഫോറങ്ങളില്‍ പരാതി പറഞ്ഞിട്ടില്ല. രണ്ടു ദിവസത്തിനകം യുഡിഎഫ് യോഗം ചേരുമെന്നും ദീപ ദാസ് മുന്‍ഷി മാധ്യമങ്ങളോട് പറഞ്ഞു.

യുഡിഎഫ് യോഗങ്ങള്‍ ചേരുന്നില്ലെന്ന കാര്യമാണ് അടൂര്‍ പ്രകാശ് പറഞ്ഞത്. അല്ലാതെ പരാതികളല്ല. പാര്‍ട്ടിയുമായി ബന്ധപ്പെട്ട പ്രശ്‌നങ്ങളില്‍ പാര്‍ട്ടി ഫോറത്തില്‍ ചര്‍ച്ച ചെയ്ത് തീരുമാനമെടുക്കും. അതില്‍ ഒരു സംശയവുമില്ല. മുഖ്യമന്ത്രിയുമായി ബന്ധപ്പെട്ട് ഒരു പ്രശ്‌നവും നിലവിലില്ലെന്നും ദീപ ദാസ് മുന്‍ഷി പറഞ്ഞു. കോണ്‍ഗ്രസ് ദേശീയ അധ്യക്ഷന്‍ മല്ലികാര്‍ജുന്‍ ഖാര്‍ഗെയുമായി യുഡിഎഫ് കണ്‍വീനര്‍ അടൂര്‍ പ്രകാശ് കൂടിക്കാഴ്ച നടത്തിയ പശ്ചാത്തലത്തിലാണ് ദീപ ദാസ് മുന്‍ഷിയുടെ പരാമര്‍ശം.

മുഖ്യമന്ത്രി വിഡി സതീശന്‍ ഏകപക്ഷീയ ശൈലിയാണ് പിന്തുടരുന്നതെന്നും, മുന്നണിയില്‍ കൂടിയാലോചനകള്‍ നടക്കുന്നില്ലെന്നും അടൂര്‍ പ്രകാശ് ഹൈക്കമാന്‍ഡിനെ രേഖാമൂലം പരാതി അറിയിച്ചതായാണ് വിവരം. സര്‍ക്കാര്‍ തീരുമാനങ്ങളുമായി ബന്ധപ്പെട്ട പല കാര്യങ്ങളും മുന്നണി കണ്‍വീനറായ താന്‍ മാധ്യമങ്ങളിലൂടെയാണ് അറിയുന്നതെന്നും അടൂര്‍ പ്രകാശ് പരാതിപ്പെട്ടൂ.

മല്ലികാര്‍ജുന്‍ ഖാര്‍ഗെയുമായി കൂടിക്കാഴ്ച നടത്തിയെന്നും, പരാതി കൊടുക്കേണ്ടിടത്ത് കൊടുത്തതായും അടൂര്‍ പ്രകാശ് വ്യക്തമാക്കി. രാഹുല്‍ ഗാന്ധിയെയും നാളെ കണ്ടേക്കും. എന്നാൽ മുഖ്യമന്ത്രി വിഡി സതീശനും ഇന്നു രാത്രിയോടെ ഡല്‍ഹിയിലെത്തും. നാളത്തെ ഇന്ത്യാ സഖ്യം പ്രതിഷേധത്തില്‍ പങ്കെടുക്കും. രണ്ടു ദിവസം ഡല്‍ഹിയിലുണ്ടാകുന്ന മുഖ്യമന്ത്രി, കോണ്‍ഗ്രസ് ഹൈക്കമാന്‍ഡിനെ കാണുന്ന പക്ഷം തന്റെ ഭാഗം വിശദീകരിക്കും.

- Advertisment -

RELATED ARTICLES
Advertisment

Desham News

- Advertisement -

രാജ്യത്ത് പാചകവാതക വിതരണ പ്രതിസന്ധി രൂക്ഷമായതോടെ ഹോട്ടൽ ഉടമകൾ തിങ്കളാഴ്ച കടകൾ അടച്ചിട്ട് പ്രതിഷേധിക്കും. എന്നാൽ ആശങ്കപ്രതിസന്ധി:ഹോട്ടലുകൾ അടച്ചിട്ട് പ്രതിഷേധിക്കും

തിരുവനന്തപുരം: രാജ്യത്ത് പാചകവാതക വിതരണ പ്രതിസന്ധി രൂക്ഷമായതോടെ ഹോട്ടൽ ഉടമകൾ തിങ്കളാഴ്ച കടകൾ അടച്ചിട്ട് പ്രതിഷേധിക്കും. എന്നാൽ ആശങ്ക വേണ്ടെന്ന് കേന്ദ്രസർക്കാർ ഉറപ്പു നൽകുന്നു. ഇറാനിൽ നിന്ന് കൂടുതൽ ടാങ്കറുകൾ ഇന്ത്യയിൽ എത്തിക്കാൻ ശ്രമം തുടരുകയാണെന്നും...

ഡോ. ഈശോ മാത്യു സീനിയർ വികാരി ജനറൽ ആയി ചുമതലയേറ്റു

തിരുവല്ല: മലങ്കര മാർത്തോമ്മാ സുറിയാനി സഭ സീനിയർ വികാരി ജനറലായി ഡോ. ഈശോ മാത്യു ചുമതലയേറ്റു. ആറന്മുള തുണ്ടിയത്ത് ഏകോട്ട് റ്റി. ഇ. മാത്യുവിന്റെയും റേച്ചലിന്റെയും പുത്രനായി 1959 ഡിസംബർ 25 നു ജനിച്ചു....
- Advertisment -

Most Popular

- Advertisement -