പത്തനംതിട്ട: കലഞ്ഞൂരില് യുവാവ് ഭാര്യയെയും സുഹൃത്തിനെയും വെട്ടിക്കൊലപ്പെടുത്തി. വൈഷ്ണവി (27), അയല്വാസി വിഷ്ണു (34) എന്നിവരാണ് കൊല്ലപ്പെട്ടത്.
അയല്വാസിയായ വിഷ്ണുവിന്റെ വീട്ടില് വെച്ചായിരുന്നു അക്രമം. കൊലപാതകത്തില് വൈഷ്ണവിയുടെ ഭര്ത്താവ് ബൈജുവിനെ പൊലീസ് കസ്റ്റഡിയിലെടുത്തു. വൈഷണവിയും വിഷ്ണുവും തമ്മില് അടുപ്പമുണ്ടെന്ന സംശയമാണ് കൊലപാതകത്തിന് കാരണമെന്ന് പൊലീസ് പറയുന്നു.
സംശയത്തെ തുടർന്ന് വൈഷ്ണവിയും ഭര്ത്താവും തമ്മില് വീട്ടിൽ വഴക്കുണ്ടായി. ഇതിനിടെ ഇറങ്ങിയോടിയ യുവതിയെ പിന്നാലെയെത്തിയ ബൈജു കൊടുവാള് കൊണ്ട് വെട്ടുകയായിരുന്നു.
തടയാന് ചെന്ന വിഷ്ണുവിനും വെട്ടേറ്റു. ഗുരുതരമായി പരിക്കേറ്റ വൈഷ്ണവി സംഭവസ്ഥലത്തു വെച്ചും, ആശുപത്രിയിലേക്കുള്ള വഴി മധ്യേ വിഷ്ണുവും മരിക്കുകയായിരുന്നു. സംഭവത്തിൽ പോലീസ് അന്വേഷണം ആരംഭിച്ചു.
, അയല്വാസി വിഷ്ണു (34) എന്നിവരാണ് കൊല്ലപ്പെട്ടത്.){kind=link}