തിരുവനന്തപുരം : തിരുവനന്തപുരം ചാലയിൽ വൻ സ്വർണക്കവർച്ച.ജ്വല്ലറി അടച്ച് സ്വർണവുമായി വീട്ടിലേക്ക് മടങ്ങിയ ജ്വല്ലറി ഉടമയിൽ നിന്നും രണ്ട് കിലോ സ്വർണം കവർന്നു. ചാല വൈഷ്ണവി ജ്വല്ലറി ഉടമ കട അടച്ച ശേഷം സ്വർണവുമായി വലിയശാലയിലുള്ള വീട്ടിൽ ബൈക്കിൽ പോകവേയാണ് ഇരുചക്ര വാഹനത്തിൽ എത്തിയ രണ്ടംഗ സംഘം സ്വർണം അടങ്ങിയ ബാഗ് കവർന്നത്.
രാത്രി പതിനൊന്നോടെയാണ് സംഭവം.ഫോർട്ട് പോലീസ് അന്വേഷണം ആരംഭിച്ചു. പ്രദേശത്തെ സിസിടിവി ദൃശ്യങ്ങൾ ഉൾപ്പെടെ പോലീസ് പരിശോധിച്ചുവരികയാണ്.
