തൃശൂർ : തൃശൂർ പേരാമംഗലത്ത് വിവാഹത്തിനായി വീട്ടിൽ കരുതിവെച്ച 50 പവൻ സ്വർണം കവർന്നു.പേരാമംഗലത്ത് പറപ്പൂർ സ്വദേശി ഷക്കീറിന്റെ വീട്ടിലാണ് വൻകവർച്ച നടന്നത്.വ്യാഴാഴ്ച രാത്രിയിലാണ് മോഷണം നടന്നത്. വീടിന്റെ പിൻവാതിൽ തകർത്തായിരുന്നു മോഷണം.
തുണിക്കട ഉടമയായ ഷക്കീറും കുടുംബവും ഓണത്തിരക്ക് കാരണം കടയിലായിരുന്നു. രണ്ട് മണിയോടെ കുടുംബം വീട്ടിൽ തിരിച്ചെത്തിയപ്പോഴാണ് മോഷണവിവരം അറിയുന്നത്.പ്രദേശത്ത് രണ്ട് അപരിചിതരെ കണ്ടിരുന്നതായി നാട്ടുകാർ പറഞ്ഞു. സംഭവത്തിൽ പൊലീസ് അന്വേഷണം ആരംഭിച്ചു
