തിരുവല്ല: ഇരമല്ലിക്കര ശ്രീ ധർമ്മ ശാസ്താ ക്ഷേത്രത്തിൽ പുന:പ്രതിഷ്ഠാദിനവും ശ്രീമദ് ഭാഗവത സപ്താഹയജ്ഞവും തുടങ്ങി. തറയിൽ കുഴിക്കാട്ട് അഗ്നി ശർമൻ നാരായണൻ വാസുദേവൻ ഭട്ടതിരിപ്പാടിന്റെ മുഖ്യ കാർമ്മികത്വത്തിൽ ചടങ്ങുകൾ നടക്കുന്നത്. ക്ഷേത്രം മേൽശാന്തി വിനീത് തിരുമേനി, യജ്ഞാചാര്യൻ ജി ഹരികൃഷ്ണൻ മല്ലപ്പള്ളി, യജ്ഞ ഹോതാവ് പ്രശാന്ത് ഉണ്ണി അമ്പലപ്പുഴ എന്നിവരാണ്.
21ന് (ഇന്ന് )രാവിലെ 10 ന് ശ്രീകൃഷ്ണാവതാരം, 22 ന് രാവിലെ 10 ന് ഗോവിന്ദ പട്ടാഭിഷേകം, 23ന് രാവിലെ 10 ന് രുഗ്മിണി സ്വയംവരം, 24 ന് രാവിലെ 8 ന് കുചേലോപാഖ്യാനം, 9.30 ന് കുചേലസദ്ഗതി, 25ന് ഉച്ചയ്ക്ക് ശേഷം 3 ന് പാരായാണ സമർപ്പണം, 3.30 ന് അവഭ്യഥസ്നാന ഘോഷയാത്ര( താലപ്പൊലി വാദ്യമേളങ്ങളോടെ കീച്ചേരിവാൽ കടവിലേക്ക്), 26 ന് രാവിലെ 6.30 ന് അഖണ്ഡനാമജപയജ്ഞം, 8 ന് പന്തീരടി പൂജ, 9.30 ന് കളഭാഭിഷേകം എന്നിവ നടക്കും.
