വയോജന ദിനാചരണം

തിരുവല്ല :  ” മികവ് ” കലാ – സാഹിത്യ വേദിയുടെ ആഭിമുഖ്യത്തിൽ വയോജന ദിനം ആചരിച്ചു. കർഷക തൊഴിലാളിയും, സി. ഡി. എസ്. മുൻ വൈസ് ചെയർ പേഴ്സണുമായ  പൊന്നമ്മ നാരായണനെ മികവ് കലാ – സാഹിത്യ വേദി രക്ഷാധികാരി ഡോ. രമേശ് ഇളമൺ ആദരിച്ചു.

വയോജനങ്ങൾക്കായി കൂടുതൽ കരുതലും, സ്നേഹവും വേണ്ടത് കാലഘട്ടത്തിന്റെ അനിവാര്യതയാണെന്ന് അദ്ദേഹം പ്രഭാഷണത്തിൽ അഭിപ്രായപ്പെട്ടു. ചടങ്ങിൽ മികവ് കലാ സാഹിത്യ വേദി പ്രസിഡന്റ്‌ മനു കേശവ് അദ്ധ്യക്ഷത വഹിച്ചു. ജേക്കബ്ബ് തോമസ്സ് തെക്കെപ്പുരക്കൽ, ഭാസ്കർ,  ഡോ. ഇന്ദിര ഇളമൺ, സുഭദ്ര, പ്രതിരൂപ്,  പൊന്നമ്മ നാരായണൻ എന്നിവർ പ്രസംഗിച്ചു.