തിരുവനന്തപുരം : കോവളം സ്പാ പീഡനത്തിൽ അറസ്റ്റിലായ ജൂനിയര്‍ ഹെല്‍ത്ത് ഇന്‍സ്പെക്ടര്‍ അനുരൂപ് സ്പാ ശൃംഖലയിലെ പ്രധാന കണ്ണിയെന്ന് പൊലീസ്.പീഡനം നടന്ന സ്പാ അനുരൂപിന്റെ ബിനാമി സ്ഥാപനമാണെന്ന് നേരത്തെ അന്വേഷണ ഉദ്യോഗസ്ഥർ കണ്ടെത്തിയിരുന്നു. തിരുവനന്തപുരത്തെ പല സ്പാകളുടെയും നടത്തിപ്പില്‍ ഇയാള്‍ക്കു പങ്കുണ്ടെന്നാണു പൊലീസിന്റെ നിഗമനം.
അനുരൂപുമായി സംസാരിച്ച ശേഷമാണ് പെൺകുട്ടിയെ സ്പായിലെത്തിച്ചതെന്നാണ് വിവരം.ഉള്ളൂര്‍ സോണല്‍ ഓഫിസിലെ ജൂനിയര്‍ ഹെല്‍ത്ത് ഇന്‍സ്‌പെക്ടറായി ജോലിയില്‍ പ്രവേശിച്ച ശേഷമാണ് അനുരൂപ് സ്പാ നടത്തിപ്പില്‍ പങ്കാളിയായത് .അനുരൂപിനെ കോര്‍പറേഷന്‍ സര്‍വീസില്‍നിന്നു സസ്‌പെന്‍ഡ് ചെയ്തിരുന്നു
