തൃശ്ശൂർ : അച്ഛന് വിഷം നൽകി കൊലപ്പെടുത്തിയ കേസിലെ പ്രതിയായ ആയുർവേദ ഡോക്ടർ നേപ്പാളിൽ മരിച്ച നിലയിൽ. എടക്കുളം അമ്മാനത്ത് പരേതരായ ശശിധരന്റെയും ബിന്ദുവിന്റെയും മകൻ മയൂർനാഥാണ് (26) മരിച്ചത്. ഒരു വർഷം മുൻപ് അച്ഛനു പ്രാതലിൽ വിഷം നൽകി കൊലപ്പെടുത്തിയ കേസിൽ ഇയാൾ അറസ്റ്റിലായിരുന്നു .
അപസ്മാര രോഗിയായിരുന്ന മയൂർനാഥ് ജാമ്യത്തിലിറങ്ങിയ ശേഷം മലപ്പുറം ജില്ലയിൽ ഒരു സ്വകാര്യ ആയുർവേദ ചികിത്സാ കേന്ദ്രത്തിൽ ചികിത്സയിൽ ആയിരുന്നു. ഇവിടെനിന്നു ഒരാഴ്ച മുൻപ് കാണാതാവുകയായിരുന്നു. നേപ്പാളിൽ വച്ച് കുളത്തിൽ കുളിക്കാനിറങ്ങിയപ്പോൾ മുങ്ങിമരിച്ചതായാണു വിവരം.
