തിരുവനന്തപുരം : സംസ്ഥാനത്ത് മദ്യം വാങ്ങാന്‍ 23 വയസ് പൂര്‍ത്തിയാകണമെന്ന നിബന്ധന കർശനമാക്കും. മദ്യം വാങ്ങാനെത്തുന്നവരുടെ പ്രായത്തിൽ സംശയം തോന്നിയാൽ തിരിച്ചറിയൽ രേഖ നിർബന്ധമായും ഹാജരാക്കേണ്ടിവരും. പ്രായം തെളിയിക്കുന്ന രേഖ ഇല്ലെങ്കിൽ മദ്യവിൽപ്പന അനുവദിക്കില്ല.
കർണാടക മോഡൽ ‘നോ ഐഡി നോ എൻട്രി’ എന്ന നിബന്ധന കേരളത്തില്‍ നടപ്പാക്കുന്നതിനുള്ള ചർച്ച പുരോഗമിക്കുകയാണ്.ഒന്നാം പിണറായി വിജയൻ സർക്കാരിന്റെ കാലത്താണ് മദ്യം വാങ്ങാനുള്ള പ്രായപരിധി 23 വയസാക്കി വർധിപ്പിച്ചത്.എന്നാൽ ഇത് കര്‍ശനമായി നടപ്പാക്കിയില്ലെന്നാണ് യുഡിഎഫ് സര്‍ക്കാര്‍ വിലയിരുത്തൽ.
