മനയ്ക്കച്ചിറ പാലത്തിന് താഴെ കടവിൽ പുരുഷന്റെ മൃതദേഹം കണ്ടെത്തി.

തിരുവല്ല:  മണിമലയാറിലെ മനയ്ക്കച്ചിറ പാലത്തിന് താഴെയുളള കടവിൽ  പുരുഷന്റെ മൃതദേഹം കണ്ടെത്തി. ജോയി (55 ) എന്ന ആളിന്റെ  മൃതദേഹം ആണ് കണ്ടെത്തിയത്. ഇന്ന് രാവിലെ 7.45 ഓടെ ആയിരുന്നു സംഭവം. കുളിക്കാൻ ഇറങ്ങവെ കാൽ തെറ്റി വീണതാണെന്ന് പ്രദേശവാസികളിൽ ചിലർ പറഞ്ഞു. ഇദ്ദേഹത്തിന്റെ മേൽ വിലാസം വ്യക്തമല്ല. തിരുവല്ല വിവിധ ഹോട്ടലുകളിൽ ജോലി ചെയ്തു വരികയായിരുന്നു. പോലീസ് എത്തി മേൽ നടപടി സ്വീകരിച്ചു. പോസ്റ്റ് മാർട്ടത്തിന് ശേഷം മൃതദേഹം സംസ്കരിച്ചു.