റാന്നി : വെച്ചൂച്ചിറയിൽ പരിഭ്രാന്തി പരത്തിയ കുറുനരിയെ ചത്തനിലയിൽ കണ്ടെത്തി. വെച്ചൂച്ചിറ നവോദയ പരിസരങ്ങളിൽ ശനിയാഴ്ച രാവിലെയാണ് കുറുനരി നായ്ക്കളെയും, പ്രദേശവാസിയെയും ആക്രമിച്ചത്. തുടർന്ന് നാട്ടുകാർ പോലീസിലും, വനംവകുപ്പ് ഉദ്യോഗസ്ഥരെയും വിവരം അറിയിച്ചിരുന്നു.
പിന്നിട് നടത്തിയ അന്വേഷണത്തിലാണ് കുറുനരിയെ ചത്തനിലയിൽ കണ്ടെത്തിയത്. പേയുണ്ടെന്ന് നട്ടുകാർ സംശയിക്കുന്ന കുറുനരി ഇടത്തിക്കാവ് ഭാഗത്ത് വെച്ച് ഒരാളെ കടിക്കുകയും നാട്ടുകാരായ മറ്റ് മൂന്ന് പേരെയും കടിച്ചതിനു ശേഷം രണ്ട് നായ്ക്കളെയും കടിച്ചതായി നാട്ടുകാർ പറഞ്ഞു.
പരിസരങ്ങളിൽ കൂടുതൽ മൃഗങ്ങളെ കുറുനരി കടിച്ചിട്ടുണ്ടോയെന്ന് വനം വകുപ്പ് ഉദ്യോഗസ്ഥർ അന്വേഷണം നടത്തി വരുന്നു.
