തിരുവല്ല: വരുന്ന നിയമസഭാ തിരഞ്ഞെടുപ്പിന് മുന്നോടിയായി ബിജെപി തിരുവല്ല നിയോജകമണ്ഡലം കമ്മറ്റിയുടെ ആഭ്യമുഖ്യത്തിൽ മണ്ഡലത്തിലെ ബൂത്ത് തലം മുതലുള്ള തിരഞ്ഞെടുക്കപ്പെട്ട പ്രവർത്തകർക്കായി ശില്പശാല സംഘടിപ്പിച്ചു. ബിജെപി സംസ്ഥാന ജനറൽ സെക്രട്ടറി അനൂപ് ആൻറണി ജോസഫ് ഉദ്ഘാടനം ചെയ്തു. ബിജെപി ജില്ലാ ജനറൽ സെക്രട്ടറി വിജയകുമാർ മണിപ്പുഴ അധ്യക്ഷത വഹിച്ചു.
യോഗത്തിൽ തിരഞ്ഞെടുപ്പിന് മുൻപ് പ്രവർത്തകരെ സജ്ജമാകാൻ ആഹ്വാനം ചെയ്ത് സംസ്ഥാന വൈസ് പ്രസിഡൻറ് ബി ഗോപാലകൃഷ്ണൻ ബൂത്ത് തല പ്രവർത്തനങ്ങളുടെ പ്രാധാന്യത്തെ കുറിച്ച് പ്രവർത്തകരോട് ആശയവിനിമയം നടത്തി.
കെ.ആർ. പ്രതാപചന്ദ്രവർമ്മ, ബി.ജെ.പി. മേഖലാ പ്രഭാ രി എൻ ഹരി, മധു പരുമല, നരേഷ് കുമാർ, രാധാകൃഷ്ണമേനോൻ, വിനോദ് തിരുമലപുരം, മുരുകേഷ് കെ ബി, രാജേഷ് കൃഷ്ണ, റ്റിറ്റു തോമസ്, സന്തോഷ് ചാത്തൻകേരി, ശ്യാം ചാത്തമല, ശ്യാം മണിപ്പുഴ, അനിൽ നെടുമ്പള്ളി, അനോജ്, തോമസ് കരിക്കിനേത്ത് എന്നിവർ പ്രസംഗിച്ചു.
