തിരുവല്ല: ഹരിത കേരള മിഷന്റെ നേതൃത്വത്തിൽ പഞ്ചായത്തിന്റെ സഹകരണത്തിലൂടെ വിദ്യാലയങ്ങളിൽ നടപ്പിലാക്കുന്ന ചങ്ങാതിക്ക് ഒരു തൈ പദ്ധതിക്ക് പെരിങ്ങര പഞ്ചായത്തിൽ തുടക്കമായി. പെരിങ്ങര പി എം വി ഹൈസ്കൂളിൽ പ്രസിഡന്റ് ഏബ്രഹാം തോമസ് ഉദ്ഘാടനം ചെയ്തു. പി എം വി ഹൈസ്കൂൾ പ്രഥമ അധ്യാപിക റിറ്റി ടീച്ചർ അധ്യക്ഷത വഹിച്ചു.
വികസനകാര്യ സ്റ്റാൻഡിങ് കമ്മിറ്റി ചെയർമാൻ റിക്കു മോനി വർഗീസ്, ഗ്രാമപഞ്ചായത്ത് അംഗങ്ങളായ അശ്വതി രാമചന്ദ്രൻ, സനൽകുമാരി, ഷൈജു എം സി എന്നിവർ പ്രസംഗിച്ചു. മുഴുവൻ വിദ്യാർത്ഥികളും വൃക്ഷ തൈകൾ കൈമാറി.
