നടൻ ടി.പി കുഞ്ഞിക്കണ്ണൻ അന്തരിച്ചു

കാസർഗോഡ് : പ്രശസ്ത സിനിമ നാടക നടൻ ടി.പി കുഞ്ഞിക്കണ്ണൻ (85) അന്തരിച്ചു.കാസര്‍കോട് ചെറുവത്തൂര്‍ സ്വദേശിയാണ്. ശനിയാഴ്ച പുലർച്ചെ ഹൃദയാഘാതം മൂലം കോഴിക്കോട്ടെ സ്വകാര്യ ആശുപത്രിയിൽ വെച്ചായിരുന്നു മരണം. പൊതുമരാമത്ത് വകുപ്പില്‍ എഞ്ചിനിയര്‍ ആയിരുന്നു. നാടകവേദിയിൽ നിന്നാണ് സിനിമയിൽ എത്തിയത്.”ന്നാ താൻ കേസ് കൊട്” എന്ന ചിത്രത്തിലെ പൊതുമരാമത്ത് വകുപ്പ് മന്ത്രി കെ.പി. പ്രേമൻ എന്ന വേഷം ശ്രദ്ധേയമായിരുന്നു. ജാനകിയാണ് ഭാര്യ. മക്കൾ : ശ്രീജയ, ശ്രീകല, ശ്രീപ്രിയ