അപാരമായ കഴിവുകളുള്ള കുട്ടികളാണ് ജില്ലാകലോത്സവത്തില്‍ മല്‍സരിക്കുന്നതെന്നും അവര്‍ക്ക് എല്ലാവിധ പ്രോത്സാഹനവും നല്‍കണമെന്നും എംഎല്‍എ പറഞ്ഞു. വിദ്യാഭ്യാസ ഉപഡയറക്ടര്‍ ഇ എസ് ശ്രീലത പതാക ഉയര്‍ത്തി. ഉദ്ഘാടന ചടങ്ങില്‍ ചലച്ചിത്രതാരം നിഷ യൂസുഫ് ദീപം തെളിച്ചു. കായംകുളം നഗരസഭ ചെയര്‍പെഴ്‌സണ്‍ പി ശശികല, വിദ്യാഭ്യാസ ഉപഡയറക്ടര്‍ ഇ എസ് ശ്രീലത, കായംകുളം നഗരസഭ ക്ഷേമകാര്യസ്റ്റാന്‍ഡിങ് കമ്മറ്റി എസ് കേശു നാഥ് എന്നിവര്‍ പങ്കെടുത്തു.
സംസ്ഥാനസര്‍ക്കാര്‍ ഉജ്ജ്വല ബാല്യം പുരസ്‌കാര ജേതാവ് മാസ്റ്റര്‍ മുഹമ്മദ് യാസീന്‍, കലോത്സവ ലോഗോ രൂപകല്‍പന ചെയ്ത അഷ്‌കര്‍ അലി ചെമ്പകലാന്റ് എന്നിവരെ ചടങ്ങില്‍ ആദരിച്ചു. മാസ്റ്റര്‍ മുഹമ്മദ് യാസീന്‍ വേദിയില്‍ കീബോര്‍ഡ് വായിച്ചത് സദസ്സിനെ ആവേശം കൊള്ളിച്ചു.
ഡിസംബര്‍ 3 വരെ കായംകുളത്തെ 13 വേദികളിലായി നടക്കുന്ന കലോത്സവത്തില്‍ 5000 ത്തിലധികം വിദ്യാര്‍ഥികളാണ് മല്‍സരിക്കുന്നത്. ഗവ. ഗേള്‍സ് എച്ച് എസ് എസ്, ഗവ. ബോയ്‌സ് എച്ച് എസ് എസ്, ബി എഡ് സെന്റര്‍, ഗവ. യു പി എസ് കായംകുളം, ഗവ. എല്‍പിഎസ് കായംകുളം, ഓട്ടിസം സെന്റര്‍ ഹാള്‍, സെന്റ് മേരീസ് ജി. എച്ച് എസ് എസ്, ബി ആര്‍ സി കായംകുളം എന്നിവിടങ്ങളിലാണ് കലോത്സവ വേദികള്‍ ഒരുക്കിയിട്ടുള്ളത്.
