കൊച്ചി : ലഹരി പരിശോധനയ്‌ക്കായി നഗരത്തിലെ ഹോട്ടൽ മുറിയിൽ ഡാൻസാഫ് സംഘമെത്തിയപ്പോൾ നടൻ ഷൈൻ ടോം ചാക്കോ ഇറങ്ങിയോടി. സിസിടിവി ദൃശ്യങ്ങള്‍ പുറത്തുവന്നു. ഇന്നലെ രാത്രി 11 മണിക്ക് എറണാകുളം നോര്‍ത്തിലെ ഹോട്ടലില്‍ ആയിരുന്നു സംഭവം.
രഹസ്യ വിവരത്തിന്റെ അടിസ്ഥാനത്തിലായിരുന്നു ഹോട്ടലിലെ പരിശോധന. പരിശോധനയ്ക്കിടെ മൂന്നാം നിലയിലെ മുറിയിൽ താമസിച്ചിരുന്ന ഷൈൻ ജനൽവഴി ഊർന്നിറങ്ങിയാണ് ഇറങ്ങിയോടിയത്. റെയ്ഡിനെക്കുറിച്ച് ഷൈന് മുൻകൂട്ടി വിവരം ലഭിച്ചിരുന്നെന്നാണ് സൂചന . നേരത്തെ ഷൈനിനെതിരെ സിനിമാ സെറ്റിൽ ലഹരി ഉപയോഗിച്ചെന്ന ആരോപണം നടി വിൻസി അലോഷ്യസ് ഉന്നയിച്ചിരുന്നു. ഇതിന് പിന്നാലെയാണ് സിസിടിവി ദൃശ്യങ്ങള്‍ പുറത്തുവന്നത്.
