ഇടുക്കി : മൂന്നാര് പള്ളിവാസലില് ദേശീയപാതയില് വീണ്ടും മണ്ണിടിച്ചില്. രാത്രിയാത്ര നിരോധിച്ചതിനാല് വന് അപകടമാണ് ഒഴിവായി. പ്രദേശത്ത് കുടുതല് മണ്ണിടിയാന് സാധ്യതയുണ്ടെന്ന് നാട്ടുകാര് പറയുന്നു. കൊച്ചി – ധനുഷ് കോടി ദേശീയപാതയുടെ രണ്ടാം ബ്രിഡ്ജിന്റെ നിര്മാണം നടക്കുന്ന മേഖലയില് തന്നെയാണ് വീണ്ടും മണ്ണിടിച്ചില് ഉണ്ടായത്.
അശാസ്ത്രീയ നിര്മാണവും മണ്ണെടുപ്പുമാണ് മണ്ണിടിച്ചിലിന് പിന്നിലെ പ്രധാന കാരണമെന്നാണ് പ്രദേശവാസികൾ ആരോപിക്കുന്നത്.
