ന്യൂഡൽഹി : ജയിലുകളിൽ ജാതി വിവേചനം പാടില്ലയെന്ന് സുപ്രീം കോടതി .എല്ലാ സംസ്ഥാനങ്ങളിലെയും ജയിൽച്ചട്ടം പരിഷ്കരിക്കണം.ചീഫ് ജസ്റ്റിസ് ഡി.വൈ.ചന്ദ്രചൂഡ് അധ്യക്ഷനായ ബെഞ്ചിന്റേതാണ് ഉത്തരവ്. മൂന്ന് മാസത്തിനുള്ളിൽ ജയിൽചട്ടം പരിഷ്കരിക്കണമെന്നാണ് കോടതി നിർദേശിച്ചിരിക്കുന്നത്.
സംസ്ഥാനങ്ങളിലെ ജയില്‍ചട്ടങ്ങൾ ചോദ്യം ചെയ്തുള്ള ഹര്‍ജിയിലാണ് സുപ്രീം കോടതി ഉത്തരവ്. സംരക്ഷണം നല്‍കുന്നതിന് മാത്രമേ ജാതി കണക്കിലെടുക്കാവൂ എന്നും ജയിലിൽ ജാതിയുടെ പേരിലുള്ള വിവേചനങ്ങൾ ഉണ്ടായാൽ സംസ്ഥാന സർക്കാരുകളാകും ഉത്തരവാദികളാകുന്നതെന്നും സുപ്രീം കോടതി വ്യക്തമാക്കി.
