തിരുവനന്തപുരം : ഇഡി ഉദ്യോഗസ്ഥരെ ആക്രമിച്ച സംഭവത്തിൽ പിഎംഎൽഎ നിയമപ്രകാരം കേസ് രജിസ്റ്റർ ചെയ്ത് എൻഫോഴ്സ്മെന്റ് ഡയറക്ടറേറ്റ്. പൊലീസ് അന്വേഷണം പുരോഗമിക്കുന്നതിനിടെയാണ് ഇഡി ECIR രജിസ്റ്റർ ചെയ്തത്. പൊലീസ് കേസിലെ 27 പ്രതികളെയും ഇഡി കേസിലും പ്രതികളാക്കി.
ആക്രമണത്തിന് പിന്നിലെ ഗൂഢാലോചന, സാമ്പത്തിക ഇടപാടുകൾ, കുറ്റകൃത്യത്തിൽനിന്ന് ലഭിച്ച പണം എന്നിവയുമായി ബന്ധപ്പെട്ട കാര്യങ്ങളാണ് ഇഡി അന്വേഷിക്കുന്നത്.സംഭവസമയം സ്ഥലത്ത് ഉണ്ടായിരുന്ന നേതാക്കൾക്ക് എതിരെയും അന്വേഷണം നടത്തുമെന്നാണ് സൂചന.
