തിരുവല്ല : കാലം ചെയ്ത ബിലീവേഴ്സ് ഈസ്റ്റേൺ ചർച്ച് പരമാധ്യക്ഷൻ മോർ അത്തനാസിയോസ് യോഹൻ പ്രഥമന്റെ പിൻഗാമിയെ തിരഞ്ഞെടുക്കുന്നതിനുള്ള ആർച്ച് ബിഷപ്സ് സിനഡ് ജൂൺ 17 ന് സഭാ ആസ്ഥാനത്ത് നടക്കും. സഭയുടെ ഔദ്യോഗിക അനുശോചന യോഗം 40-ാം ഓർമപ്പെരുന്നാളായ ജൂൺ 16 ന് ചേരാനും എപ്പിസ്കോപ്പൽ സിനഡ് തീരുമാനിച്ചു.
മെത്രാപ്പൊലീത്തയുടെ പൊതുദർശനത്തിലും കബറടക്ക ശുശ്രൂഷകളിലും പങ്കെടുത്ത സഭാ മേലധ്യക്ഷന്മാർ, പിതാക്കന്മാർ, ഗവർണർമാർ, മന്ത്രിമാർ , മറ്റു ജനപ്രതിനിധികൾ, രാഷ്ട്രീയ, സാമൂഹിക, സാംസ്കാരിക രംഗത്തെ പ്രമുഖർ, പൗരാവലി , സന്നദ്ധ പ്രവർത്തകർ തുടങ്ങിയവർക്ക് സഭ സിനഡ് നന്ദി അറിയിച്ചു
