പത്തനംതിട്ട : ഉരുൾപൊട്ടൽ ഉണ്ടായ വയനാട് മേപ്പാടിയിലേക്ക് പോകുകയായിരുന്ന ആരോഗ്യമന്ത്രി വീണാ ജോർജിൻ്റെ കാർ അപകടത്തിൽ പെട്ടു. മന്ത്രിക്ക് പരുക്ക്.
മലപ്പുറം മഞ്ചേരി ചെട്ടിയങ്ങാടിയിൽ വച്ച് ഇന്ന് രാവിലെ 7ന് ആണ് അപകടമുണ്ടായത്. എതിരെ വന്ന സ്കൂട്ടറിൽ ഇടിക്കാതിരിക്കാൻ വെട്ടിച്ചപ്പോൾ റോഡരികിലെ വൈദ്യുത തൂണിൽ ഇടിച്ചാണ് അപകടമുണ്ടായത്.
തലയ്ക്കും കൈയ്ക്കും പരുക്കേറ്റ മന്ത്രിയെ മഞ്ചേരി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. എക്സ്റേ എടുത്ത് പരിശോധന ആരംഭിച്ചതായി മന്ത്രിയുടെ ഓഫീസിൽ നിന്ന് അറിയിച്ചു
