ബിഹാറിൽ സർക്കാർ ജോലികളിൽ വനിതകൾക്ക് 35% സംവരണം

പാറ്റ്ന : സര്‍ക്കാര്‍ ജോലികളില്‍ സ്ത്രീകള്‍ക്ക് 35 ശതമാനം സംവരണം പ്രഖ്യാപിച്ച് ബിഹാറിലെ എൻഡിഎ സര്‍ക്കാര്‍.മുഖ്യമന്ത്രി നിതീഷ്‌കുമാറിന്റെ അധ്യക്ഷതയില്‍ ചേര്‍ന്ന മന്ത്രിസഭാ യോഗത്തിലാണ് സ്ത്രീസംവരണം സംബന്ധിച്ച് തീരുമാനമെടുത്തത്. ബി​ഹാറിൽ സ്ഥിര താമസക്കാരായ സ്ത്രീകൾക്കാണ് സംവരണം ലഭിക്കുക. നേരത്തെ യുവാക്കൾക്ക് പരിശീലനവും തൊഴിലും ഉറപ്പാക്കി മുഖ്യധാരയിലേക്ക് കൊണ്ടുവരുന്നതിന്റെ ഭാ​ഗമായി ബീഹാർ യൂത്ത് കമ്മീഷന്റെ രൂപീകരണവും നിതീഷ് കുമാർ പ്രഖ്യാപിച്ചിരുന്നു.