തിരുവനന്തപുരം : തിരുവനന്തപുരം പട്ടത്ത് കാർ ഓട്ടോയിലും ബൈക്കിലും ഇടിച്ച് ഒരാൾ മരിച്ചു. ഓട്ടോയിലുണ്ടായിരുന്ന ശ്രീകാര്യം സ്വദേശിയായ സുനി (40) ആണ് മരിച്ചത്. പുലർച്ചെ 3.30ന് പട്ടം സെന്റ്മേരീസ് സ്കൂളിന് മുന്നിൽ വച്ചാണ് അപകടം നടന്നത്.
ശ്രീകാര്യം സ്വദേശിയായ 19 കാരൻ ഓടിച്ചിരുന്ന കാർ നിയന്ത്രണം വിട്ട് ബൈക്കിലും ഓട്ടോയിലും ഇടിക്കുകയായിരുന്നു .കൂട്ടിയിടിയുടെ ആഘാതത്തിൽ ഓട്ടോറിക്ഷയ്‌ക്ക് തീപിടിച്ചു. ഓട്ടോയിലുണ്ടായിരുന്ന രണ്ട് പേരിൽ ഒരാളാണ് പൊള്ളലേറ്റ് മരിച്ചത്.പരുക്കേറ്റ 4 പേരെ മെഡിക്കൽ കോളജ് ആശുപത്രിയിലേക്ക് മാറ്റി. കാർ അമിത വേഗത്തിലായിരുന്നെന്ന് ദൃക്സാക്ഷികൾ പറയുന്നു.
){kind=link}