മലപ്പുറം : പെരിന്തൽമണ്ണ താഴേക്കോട് പിടിഎം ഹയർസെക്കൻഡറി സ്കൂളിൽ വിദ്യർത്ഥികൾ തമ്മിലുണ്ടായ സംഘർഷത്തിൽ മൂന്ന് വിദ്യാർഥികൾക്ക് കുത്തേറ്റു.ഉച്ചയോടെ എസ്.എസ്.എൽ.സി പരീക്ഷ കഴിഞ്ഞ് ഇറങ്ങിയ ഇംഗ്ലിഷ്, മലയാളം മീഡിയം വിദ്യാർഥികൾ തമ്മിലാണ് സംഘർഷം നടന്നത്.കുട്ടികളുടെ തലയിലും കയ്യിലുമാണ് പരുക്കേറ്റത്.ഇവരെ ആശുപത്രികളിൽ പ്രവേശിപ്പിച്ചു.
മുൻപും ഈ സ്കൂളിൽ സമാനമായ സംഘർഷങ്ങൾ നടന്നിരുന്നു .ഇതേതുടർന്ന് ഒരു വിദ്യാർത്ഥിയെ സസ്‌പെൻഡ് ചെയ്തിരുന്നു .പരീക്ഷ എഴുതാൻ വേണ്ടി മാത്രം സ്കൂളിലെത്തിയ ഈ വിദ്യാർഥിയാണ് മൂർച്ചയേറിയ വസ്തു ഉപയോഗിച്ച് മറ്റ് കുട്ടികളെ ആക്രമിച്ചത്.
