തിരുവല്ല : എം.ജി. സോമൻ ഫൗണ്ടേഷൻ്റെ ആഭിമുഖ്യത്തിൽ നടന്ന കവിയൂർ പൊന്നമ്മ അനുസ്മരണം കവിയും ഗാനരചയിതാവുമായ കൈതപ്രം ദാമോദരൻ നമ്പൂതിരി ഉദ്ഘാടനം ചെയ്തു. മലയാള സിനിമ ലോകത്തിലെ പകരം വക്കാനില്ലാത്ത അഭിനേത്രിയായിരുന്നു കവിയൂർ പൊന്നമ്മ എന്ന് അദ്ദേഹം പറഞ്ഞു.
ചെയർമാൻ ബ്ലസി അദ്ധ്യക്ഷത വഹിച്ചു. യോഗത്തിൽ സംവിധായകൻ കവിയൂർ ശിവപ്രസാദ്, നടൻ കൃഷ്ണപ്രസാദ്, പ്രൊഫ. രാജീവ് ആക്ലമൺ, ജോർജ്ജ് മാത്യു, എസ്. കൈലാസ്, പി.എം അനീർ എന്നിവർ പ്രസംഗിച്ചു.
