നെടുമങ്ങാട് : വധുവിന്റെ വീട്ടുകാർ വന്ന ബസിൽ പാട്ട് ഇട്ടതിലുള്ള തർക്കത്തെത്തുടർന്ന് വിവാഹ സൽക്കാരത്തിനിടെ സംഘർഷമുണ്ടാക്കിയ കേസിൽ 2 പേർ അറസ്റ്റിൽ.കോട്ടുകാൽ ചെറുകുളം കടയ്ക്കൽ ഫൈസൽ , കല്ലറ മുണ്ടണികക്കര ഷഹീദ് എന്നിവരെയാണ് നെടുമങ്ങാട് പൊലീസ് അറസ്റ്റ് ചെയ്തത്.
നെടുമങ്ങാട് ഗ്രീൻലാൻഡ് ഓഡിറ്റോറിയത്തിൽ നെടുമങ്ങാട്, കല്ലറ സ്വദേശികളുടെ വിവാഹ സൽക്കാരത്തിനിടെയായിരുന്നു സംഘർഷം.പെൺകുട്ടിയുടെ വീട്ടുകാർ വന്ന ബസിൽ പാട്ട് ഇട്ടതിനെ തുടർന്നുള്ള തർക്കമാണ് അടിപിടിയിൽ കലാശിച്ചത്.സംഘർഷത്തിൽ 2 പേർക്ക് പരിക്കേറ്റു.സ്ഥലത്തെത്തിയ പൊലീസിനെയും പ്രതികൾ കയ്യേറ്റം ചെയ്തു.പൊലീസ് കേസെടുത്ത് അന്വേഷണം ആരംഭിച്ചു.
