ചെന്നൈ : ചെന്നൈ വിമാനത്താവളത്തിൽ വിമാനത്തിലെ എമർജൻസി വാതിൽ തുറന്ന് യാത്രക്കാരൻ പുറത്തേക്ക് ചാടി. പുലർച്ചെ 3.23 ന് ചെന്നൈയിൽ ലാൻഡ് ചെയ്ത ഷാർജയിൽ നിന്നുള്ള G9-471 വിമാനത്തിൽ നിന്നാണ് പുതുക്കോട്ട സ്വദേശിയായ മുഹമ്മദ് ഷെരീഫ് മുഹമ്മദ് നജ്മുദ്ദീൻ (29) എമർജൻസി വാതിൽ തുറന്ന് പുറത്തേക്ക് ചാടിയത്.എയർലൈൻ ജീവനക്കാർ പിടികൂടിയ യാത്രക്കാരനെ പൊലീസിനു കൈമാറി.
സുരക്ഷാ മുൻകരുതലിന്റെ ഭാഗമായി വിമാനത്താവളത്തിലെ പ്രധാന റൺവേ ഒരു മണിക്കൂറോളം അടച്ചു.തന്റെ മാനസികാവസ്ഥ ശരിയല്ലാത്തതിനാലാണ് ഇത്തരത്തിൽ ചെയ്തതെന്നാണ് യുവാവ് പൊലീസിനോട് പറഞ്ഞത്. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്
