ന്യൂഡൽഹി : ആഗോള സാമ്പത്തിക പ്രതിസന്ധികൾക്കിടയിലും ഇന്ത്യ ലോകത്തിലെ ഏറ്റവും വേഗത്തിൽ വളരുന്ന പ്രമുഖ സമ്പദ്‌വ്യവസ്ഥയായി തുടരുമെന്ന് ഐഎംഎഫ് . 2026-27 സാമ്പത്തിക വർഷത്തിൽ ഇന്ത്യയുടെ മൊത്ത ആഭ്യന്തര ഉൽപ്പാദന വളർച്ച 7 ശതമാനമായിരിക്കുമെന്നാണ് ഐഎംഎഫിന്റെ പുതിയ വിലയിരുത്തൽ.നടപ്പുവർഷവും അടുത്തവർഷവും ഇതേ വളർച്ച നിലനിർത്തും
പ്രതീക്ഷിച്ചതിലും ശക്തമായ സാമ്പത്തികവേഗത, ആഭ്യന്തര ഡിമാൻഡിന്റെ കരുത്ത് ,സാമ്പത്തികമേഖലയിലെ ഘടനാപരമായ പരിഷ്കാരങ്ങൾ ,സേവന മേഖലയിലെ മികച്ച പ്രകടനം തുടങ്ങിയവയാണ് ഇന്ത്യയുടെ സാമ്പത്തിക പുരോഗതിയുടെ പ്രധാന കാരണങ്ങൾ. നേരത്തെ ലോകബാങ്കും ആർ ബി ഐയും 2026-27 സാമ്പത്തിക വർഷത്തിലെ ഇന്ത്യയുടെ വളർച്ചാ പ്രവചനം 7.1 ശതമാനമായി ഉയർത്തിയിരുന്നു.
