Sunday, November 22, 2026
No menu items!

subscribe-youtube-channel

HomeNewsശബരിമല മകരവിളക്ക്...

ശബരിമല മകരവിളക്ക് മഹോത്സവം: ബിഎസ്എന്‍എല്‍ പുല്ലുമേട്ടില്‍ താല്‍ക്കാലിക ടവര്‍ സ്ഥാപിച്ചു

ശബരിമല: ശബരിമല മകരവിളക്ക് മഹോത്സവത്തോടനുബന്ധിച്ച് തീര്‍ത്ഥാടകര്‍ക്ക് മികച്ച ആശയവിനിമയ സൗകര്യമൊരുക്കാന്‍ ബിഎസ്എന്‍എല്‍ പുല്ലുമേട്ടില്‍ താല്‍ക്കാലിക ടവര്‍ സ്ഥാപിച്ചു. വനം വകുപ്പിന്റെ വാച്ച് ടവറിലാണ് ഈ അധികസംവിധാനം ഏര്‍പ്പെടുത്തിയിരിക്കുന്നത്.

മകരജ്യോതി ദര്‍ശനത്തിനായി പതിനായിരങ്ങള്‍ എത്തുന്ന സാഹചര്യം കണക്കിലെടുത്ത് സ്ഥാപിച്ച ടവര്‍ ജനുവരി 12 മുതല്‍ പ്രവര്‍ത്തനസജ്ജമാകും. സന്നിധാനത്തും പരിസരപ്രദേശത്തും എത്തുന്ന ഭക്തജനങ്ങള്‍ക്ക് ബിഎസ്എന്‍എല്‍ നെറ്റ്‌വര്‍ക്കില്‍ യാതൊരുവിധ തടസ്സങ്ങളുമുണ്ടാകില്ലെന്ന് അധികൃതര്‍ അറിയിച്ചു.

കൂടാതെ ബിഎസ്എന്‍എല്‍ ശബരിമല, പമ്പ, നിലയ്ക്കല്‍ എന്നിവിടങ്ങളിലെ മുപ്പത് എമര്‍ജന്‍സി മെഡിക്കല്‍ കെയര്‍ സെന്ററുകളിലും വൈഫൈ സൗകര്യം നല്‍കിയിട്ടുണ്ട്. ഒപ്റ്റിക്കല്‍ ഫൈബര്‍ കേബിള്‍ വഴിയാണ് ഈ സംവിധാനം ഒരുക്കിയിരിക്കുന്നത്. ഏത് അടിയന്തര സാഹചര്യത്തിലും ഈ വൈദ്യസഹായ കേന്ദ്രങ്ങളില്‍ കോള്‍ ചെയ്യുന്നതിനും ഇന്റര്‍നെറ്റ് ലഭ്യമാകുന്നതിനും സൗകര്യമുണ്ട്.

അടിയന്തരഘട്ടങ്ങളില്‍ വീഡിയോ കോള്‍ വഴി ആശയവിനിമയത്തിന് സാധിക്കും. വിവിധ വകുപ്പുകള്‍ക്കും മാധ്യമങ്ങള്‍ക്കും ബിഎസ്എന്‍എല്‍ സന്നിധാനത്ത് വെഫൈ സൗകര്യം ഏര്‍പ്പെടുത്തിയിട്ടുണ്ട്.

- Advertisment -

RELATED ARTICLES
Advertisment

Desham News

- Advertisement -

വരും ദിവസങ്ങളിൽ മഴയ്ക്ക് സാധ്യത: മൂന്ന് ജില്ലകളിൽ യെല്ലോ അലർട്ട്

തിരുവനന്തപുരം: കേരളത്തിൽ വരും ദിവസങ്ങളിലും ശക്തമായ മഴയ്ക്ക് സാധ്യതയെന്ന് കാലാവസ്ഥ വകുപ്പിന്റെ മുന്നറിയിപ്പ്. മൂന്ന് ജില്ലകളിൽ യെല്ലോ അലർട്ടും പ്രഖ്യാപിച്ചു. പത്തനംതിട്ട, എറണാകുളം, ഇടുക്കി ജില്ലകളിൽ ആണ് യെല്ലോ അലർട്ട്. സംസ്ഥാനത്തിന്റെ വിവിധ ഭാഗങ്ങളിൽ...

അഞ്ചുവയസ്സുകാരനുനേരെ ലൈംഗികാതിക്രമം നടത്തിയ 35 കാരൻ അറസ്റ്റിൽ

കോഴഞ്ചേരി : അഞ്ചുവയസ്സുകാരനുനേരെ ലൈംഗികാതിക്രമം നടത്തിയ 35 കാരനെ കോയിപ്രം പോലീസ് അറസ്റ്റ് ചെയ്തു. തോട്ടപ്പുഴശ്ശേരി കുറിയന്നൂർ മൈലാടുംപാറ കല്ലോലിക്കൽ കാലായിൽ വീട്ടിൽ കെ എസ് ശ്രീജിത്ത്‌ (35)ആണ് പിടിയിലായത്. കുട്ടിയുടെ വീട്ടിൽ...
- Advertisment -

Most Popular

- Advertisement -