ദുബായ് : ദുബായിൽനിന്ന് ടെൽ അവീവിലേക്ക് പോകുകയായിരുന്ന ഫ്‌ളൈദുബായ് ആക്രമണ സംഭവവുമായി ബന്ധപ്പെട്ട് മാലദ്വീപ് സ്വദേശികളായ പൈലറ്റുമാർ കസ്റ്റഡിയിൽ. ഇന്ത്യൻ പൈലറ്റ് സ്മിത്ത് മച്ചാറിനെ ആക്രമിക്കുകയും വിമാനം തകർക്കാൻ ശ്രമിക്കുകയും ചെയ്ത സഹപൈലറ്റ് ഹമാം അൽ ഹമ്മാമിയുമായും ഫ്ലൈദുബായി ആക്രമണത്തിന്റെ ഗൂഢാലോചനയുമായും ബന്ധമുണ്ടെന്ന സംശയത്തിലാണ് ഇവരെ യു.എ.ഇ. പോലീസ് കസ്റ്റഡിയിലെടുത്തത്.
ഒക്ടോബർ മൂന്നിനാണ് ഇരുവരും അറസ്റ്റിലായത്.യാത്രക്കാർ കീഴടക്കിയ ഒമാൻ സ്വദേശിയായ ഹമ്മാം അൽ ഹമ്മാമിയെ മോചിപ്പിക്കാൻ മറ്റൊരു ജീവനക്കാരൻ ശ്രമിച്ചെന്ന വെളിപ്പെടുത്തലുകളും പുറത്തുവരുന്നുണ്ട്. സംഭവത്തിൽ കൂടുതൽ വിമാന ജീവനക്കാർക്ക് പങ്കുണ്ടോയെന്ന കാര്യത്തിൽ അന്വേഷണം പുരോഗമിക്കുകയാണ്.
