ന്യൂഡൽഹി : പാകിസ്താനിലെ ലഹോറിൽ സ്ഫോടനം നടന്നതായി റിപ്പോർട്ടുകൾ. വ്യാഴാഴ്ച രാവിലെയാണ് നഗരത്തില്‍ മൂന്ന് തവണ ഉഗ്രശബ്ദത്തിൽ പൊട്ടിത്തെറിയുണ്ടായതെന്നാണ് പാക് മാധ്യമങ്ങൾ റിപ്പോർട്ട് ചെയ്യുന്നത്. സ്‌ഫോടനങ്ങള്‍ക്ക് പിന്നാലെ നഗരത്തില്‍ സൈറണ്‍ മുഴങ്ങി. ജനങ്ങൾ വീടുകളില്‍ നിന്ന് പുറത്തേക്കോടി. ലാഹോറിൻ്റെ ആകാശത്ത് വ്യോമഗതാഗതവും റദ്ദാക്കിയിട്ടുണ്ട്. ലഹോറിൽ ഇന്ത്യക്കെതിരെ സൈനിക പടയൊരുക്കം നടക്കുന്നതായി അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തിരുന്നു .
അതേസമയം ,ബലൂചിസ്ഥാൻ പ്രവിശ്യയിൽ ബലൂച് ലിബറേഷൻ ആർമി നടത്തിയ ആക്രമണത്തിൽ 14 പാക്ക് സൈനികർ കൊല്ലപ്പെട്ടു.ബലൂചിസ്ഥാൻ പ്രവിശ്യയിലെ ബോളാനിലും കെച്ചിലും നടന്ന രണ്ട് വ്യത്യസ്ത ആക്രമണങ്ങളിലാണ്‌ പാക്ക് സൈനികർ കൊല്ലപ്പെട്ടത് .
