തിരുവനന്തപുരം :മംഗലപുരത്ത് പാചകവാതക സിലിണ്ടർ ലോറി മറിഞ്ഞു.ഇന്ന് രാവിലെയാണ് കനത്ത മഴയിൽ ടയർ മണ്ണിലേക്ക് താഴ്ന്ന് ലോറി മറിഞ്ഞത്. അപകടത്തെ തുടർന്ന് പളളിപ്പുറം സിആർപിഎഫ് മുതൽ മംഗലപുരം വരെയുള്ള ദേശീയ പാത വഴിയുള്ള ഗതാഗതം മറ്റൊരു വഴിയിലൂടെ തിരിച്ചുവിടുകയാണ്.
കൊച്ചിയിൽനിന്ന് തിരുനെൽവേലിയിലേക്ക് പാചകവാതകവുമായി പോവുകയായിരുന്നു ലോറി.അപകടത്തിൽ ഡ്രൈവർ നാമക്കൽ സ്വദേശി എറ്റിക്കൺ (65) പരിക്കുകളില്ലാതെ രക്ഷപ്പെട്ടു.വാതക ചോർച്ച ഇല്ലെന്ന് പോലീസ് അറിയിച്ചു. ഇൻവെർട്ടർ പ്രവർത്തിപ്പിക്കുകയോ ഗ്യാസ് അടുപ്പ് കത്തിക്കുകയോ ചെയ്യരുതെന്ന് പ്രദേശവാസികൾക്ക് കർശന നിർദ്ദേശം നൽകിയിട്ടുണ്ട്
