പരുമല: കുടുംബങ്ങൾ ഇഴയടുപ്പുള്ളതായി തീരുമ്പോൾ സമൂഹം നന്മയുള്ളതായി തീരുമെന്ന് തുമ്പമൺ ഭദ്രാസന മെത്രാപ്പോലീത്ത ഡോ എബ്രഹാം മാർ സെറാഫിം പറഞ്ഞു. കുടുംബവും സമൂഹവും പാരസ്പര്യമുള്ളവരായി ജീവിക്കണം. മറ്റുള്ളവരെ കരുതുകയും സ്നേഹിക്കുകയും ചെയ്യുമ്പോൾ മാത്രമേ സമൂഹത്തിൽ കരുതൽ നിലനിൽക്കുകയുള്ളൂ വടക്കിന്റെ പരുമലയായ ഡൽഹി ജനക്പുരി മാർ ഗ്രിഗോറിയോസ് ദേവാലയത്തിന്റെ തലമുറ സംഗമം ഉദ്ഘാടനം ചെയ്തു സംസാരിക്കുകയായിരുന്നു മെത്രാപ്പോലീത്ത.
ജനക്പുരി മാർ ഗ്രീഗോറിയോസ് ദേവാലയത്തിന്റെ ഗോൾഡൻ ജൂബിലിയോട് അനുബന്ധിച്ച് പരുമല സെമിനാരി ഓഡിറ്റോറിയത്തിൽ നടന്ന തലമുറ സംഗമത്തിൽ ഡൽഹി ഭദ്രാസന മെത്രാപ്പോലീത്ത ഡോ.യൂഹാനോൻ മാർ ദിമത്രിയോസ് അധ്യക്ഷത വഹിച്ചു.
ഇടവക വികാരി ഫാ. പത്രോസ് ജോയ്, അസിസ്റ്റൻറ് വികാരി ഫാദർ ഗീവർഗീസ് ജോസ്, ഡൽഹി ഭദ്രാസനം സെക്രട്ടറി ഫാദർ സജി എബ്രഹാം, ചാണ്ടി ഉമ്മൻ എംഎൽഎ, ഫാ. സക്കറിയ പനക്കാമറ്റം കോറോപ്പിസ്കോപ്പ ,ഫാ. സാം വി ഗബ്രിയേൽ കോർപ്പിസ്കോപ്പ് ,ഫാ. ഫിലിപ്പ് എം സാമുവൽ കോർപ്പിസ്കോപ്പ, ഫാ. പി എ ഫിലിപ്പ്, ഫാ. ബിജു പി തോമസ് , തോമസ് പി ജോർജ് ,രാജു മാമൻ , സജു മാത്യു എന്നിവർ പ്രസംഗിച്ചു.
