കൊച്ചി : കരുവന്നൂർ സഹകരണ ബാങ്കുമായി ബന്ധപ്പെട്ട് ഇ.ഡി പിടിച്ചെടുത്ത രേഖകള് ക്രൈംബ്രാഞ്ചിന് കൈമാറണമെന്ന് ഹൈക്കോടതി ഉത്തരവ്. കൊച്ചിയിലെ പി.എം.എല്.എ. കോടതിയിലുള്ള രേഖകളാണ് കൈമാറാന് ഉത്തരവിട്ടത്.രേഖകൾ ഇ.ഡി നൽകുന്നില്ലെന്ന് ആരോപിച്ച് ക്രൈംബ്രാഞ്ച് ഹൈക്കോടതിയെ സമീപിക്കുകയായിരുന്നു.രണ്ടു മാസത്തിനകം രേഖകളുടെ പരിശോധന പൂർത്തിയാക്കണമെന്നും കോടതി വ്യക്തമാക്കിയിട്ടുണ്ട് .
ഫൊറന്സിക് പരിശോധനയ്ക്കായി ഇ.ഡിയുടെ കൈവശമുള്ള 90 രേഖകള് വേണമെന്നാണ് ക്രൈംബ്രാഞ്ച് ആവശ്യപ്പെട്ടത്. ക്രൈംബ്രാഞ്ച് രജിസ്റ്റര് ചെയ്ത കേസിനെ തുടർന്നാണ് ഇ.ഡി. കേസ് രജിസ്റ്റര് ചെയ്തതെന്നും കേസിൽ കുറ്റപത്രം സമർപ്പിക്കണമെങ്കില് മുഴുവൻ രേഖകളും ആവശ്യമാണെന്നുമാണ് ക്രൈംബ്രാഞ്ച് വാദിച്ചത്.
