തിരുവനന്തപുരം : തിരുവനന്തപുരം തൈക്കാട് കടമുറിക്കുള്ളിൽ രണ്ടാഴ്ചയോളം പഴക്കമുള്ള സ്ത്രീയുടെ അഴുകിയ മൃതദേഹം കണ്ടെത്തി. റോയല് സലൂണ് എന്ന ബ്യൂട്ടി പാര്ലര് നടത്തിയിരുന്ന മാര്ത്താണ്ഡം സ്വദേശി ഷീലയുടെ (55) മൃതദേഹമാണ് സ്ഥാപനത്തിനുള്ളിൽ കണ്ടെത്തിയത്.
സ്ഥാപനത്തിന്റെ മുകളിലത്തെ നിലയില് പ്രവര്ത്തിച്ചിരുന്ന ട്യൂഷന് സെന്ററിലെ വിദ്യാർഥികള് ദുര്ഗന്ധം വന്നതിനെ തുടർന്ന് കെട്ടിടം ഉടമയെ വിവരം അറിയിക്കുകയായിരുന്നു.തുടർന്ന് നടത്തിയ പരിശോധനയിലാണ് മൃതദേഹം കണ്ടെത്തിയത്. സ്ഥാപനത്തിന്റെ വാതില് അകത്തുനിന്ന് പൂട്ടിയനിലയിലായിരുന്നു. ശാരീരിക അവശതകളുണ്ടായിരുന്ന ഷീല കഴിഞ്ഞ രണ്ടുവര്ഷമായി തൈക്കാട് ബ്യൂട്ടി പാര്ലര് നടത്തിവരികയാണ്.
